श्री बाल जीवन ज्योति माध्यमिक विद्यालय

ज्ञान नै शक्ति हो

गुणस्तरीय शिक्षा, अनुशासित विद्यार्थी, उज्ज्वल भविष्य

हामी विद्यार्थीहरूको बौद्धिक, मानसिक र शारीरिक विकासका लागि प्रतिबद्ध छौँ।

जरुरी सूचना: शैक्षिक सत्र २०८३ को लागि कक्षा नर्सरी देखि कक्षा ११ सम्म नयाँ भर्ना खुल्यो! सिट सीमित भएकोले आजै आफ्नो स्थान सुरक्षित गर्नुहोला।

विद्यालय परिचय

श्री बाल जीवन ज्योति माध्यमिक विद्यालय

समाज विकासको क्रममा शिक्षा मानिसको लागि अभिन्न अंग रहेकोले सबै जातजाति, पिछडिएको जनजाति, दलित, सिमान्तकृत चेपाङ सम्म शिक्षाको पहुँच पुर्याउने उद्देश्य अनुरुप वि.सं. २०१९ सालमा यहाँका स्थानिय बुद्धिजिवि, समाजसेवी तथा शिक्षा प्रेमीहरूको सक्रियतामा बागमती प्रदेश (साविक नारायणी अंचल) मकवानपुर जिल्लाको सदरमुकाम हेटौंडाबाट पश्चिम तथा पर्सा वन्य जन्तु आरक्षको क्षेत्र भित्र पर्ने राप्ती नदी सँगको सिमानामा जोडिएको मनहरी गाउँपालिका वडा नं. १ (साविक हाँडीखोला गा.वि.स. वडा नं. २) मकरीमा स्थानीय समुदायका व्यक्तिहरूले छाप्रो बनाई वि.सं. २०१९ साल देखि नै राम मन्दिर बगैंचा मन्दिरको जग्गा परिसर भित्र पठन पाठन सुचारु गर्न कोदो, मकै जस्ता अन्न मुठी दान अर्थात् चन्दा स्वरुप संकलन गरी व्यय भारको सङ्कट टार्दै कक्षा सञ्चालन गरेको पाइन्छ।

मनहरी-१, चकरी (साविक हाँडीखोला-१) निवासी शिक्षा प्रेमी स्व. श्री लक्ष्मण प्रसाद कँडेल ज्यूको सक्रिय सहभागिताबाट वि.सं. २०१९ सालमा प्रा.वी.को जन्म भयो र यस विद्यालयलाई अनौपचारिक रुपमा संचालन गर्न गराउन शिक्षा प्रेमी स्व. श्री लक्ष्मण प्रसाद कँडेल र स्व. पहलराज कप्रौला ज्यूबाट स्वीकृत प्राप्त गर्न गराई पठन पाठन संचालन गरियो। हाल यस विद्यालय रहेको जग्गा मिति वि.सं. २०१० साल चैत्र रामनवमीको दिन श्री राम बगैंचा मन्दिरको नाममा तपसिल व्यक्तित्वहरूले जग्गा दान गर्नुभएको थियो।

भौगोलिक अवस्था

सदरमुकाम हेटौंडा देखि १६ कि.मि. पश्चिम श्री निर्मल मा.वि. बस्तिपुर देखि ६ कि.मि. दक्षिण तर्फ रहेको यस श्री बाल जीवन ज्योति मा.वि. को पूर्वमा चकरी खोला पश्चिम च्यापल खोला उत्तर राप्ती नदी दक्षिण गोगनपानीले घेरेको यस विद्यालयको चारैतिर गाँउहरु छन् ।

विद्यालयमा रहेको समुदायको बनोट

यस सेवा क्षेत्रभित्र बसोबास गर्ने तामाङ्ग, चेपाङ, क्षेत्री, व्राह्मण, कामी, दमई जाती नै मुख्य बासिन्दाका रुपमा रहेकाहरु परम्परागत सोच र चिन्तन रितिरिवाज तथा धर्म, संस्कृतिको कारणले गर्दा अपवाद बाहेक धेरै बालबालिकाहरु बाधिन पुग्छन् । जसको कारणले गर्दा सानै उमेरमा पारिवारिक जिम्मेवारी बहन गर्नुपर्ने हुन्छ साथै धुम्रपान तथा मद्यपान जस्ता कुलतको सेवनमा यस क्षेत्रका अधिकांस मानिसहरु लागेको पाइन्छ तर हाल केहि यूवाहरु रोजगारीको खोजीमा विदेशतिर गएको पाइन्छ ।

यस सेवा क्षेत्र भित्र बसोबास गर्ने केही परिवारहरुको आर्थिक अवस्था ज्यादै नाजुक र दयनिय रहेको छ आर्थिक अवस्था कमजोर हुनुको पछाडी धर्म, संस्कृति तथा रितीरिवाज, रुढीवादी परम्परा नै कारक तत्वको रुपमा रहेकोछ । यसका साथै यहाँका भूमिमा सिचाईको अभाव रहेको कारण आकासे खेतीपाती कृषि कार्य भएकोले पनि आर्थिक अवस्था केहि मात्रामा राम्रो भए तापनि तामाङ्ग, चेपाङ, कामी, दमईहरुले धेरै दुःख गरेर विहान वेलूकी छाक टार्न सक्दछन् । किनभने उनिहरु मध्येबाट ८५% ले आफ्ना बाल बालिकालाई मा.वि र उच्च मा.वि. शिक्षा पुरा गर्ने गराउने भएको हुनाले पनि उनीहरुको आय आर्जन हुने खालको थप क्रियाकलापमा लागि परेका छन् । यूवाहरु केहि मात्रामा रोजगारको लागि विदेशिएका पनि छन्।

विद्यालय सेवा क्षेत्र

मनहरी गाउँपालिका वडा नं. १, मकरी, स्कुल चोक
मनहरी गाउँपालिका वडा नं. १, तल्लो मकरी
मनहरी गाउँपालिका वडा नं. १, चकरी
मनहरी गाउँपालिका वडा नं. १, घैयाडाडा
मनहरी गाउँपालिका वडा नं. १, पर्ता
मनहरी गाउँपालिका वडा नं. १, गोगनपानी
मनहरी गाउँपालिका वडा नं. २, च्यापल
मनहरी गाउँपालिका वडा नं. ३, सिद्दकाली

विद्यालयमा सञ्चालित कार्यक्रम

मनहरी गाउँपालिका वडा नं. १ स्थित बि.स. २०१९ सालमा स्थापना भएको यस श्री बाल जीवन ज्योति माध्यमिक विद्यालयले बि.स. २०५५ सालमा माध्यमिक तहको अनुमति लिई मिति २०५६ सालमा एस.इल.सि. परीक्षामा समावेश भयो र बि.स. २०७९ सालमा कक्षा ११ को अनुमति प्राप्त गरी बि.स. २०८० सालमा पुःन कक्षा १२ को अनुमति प्राप्त गरी राष्ट्रिय परीक्षा बोर्डले लिएको कक्षा १२ को परीक्षामा समावेश हुन सफल भएको छ ।

हाल कक्षा वालविकास देखि कक्षा १२ सञ्चालन भइरहेको छ भने कक्षा ११, १२ मा वााणिज्य, मानविकी र शिक्षा संकायमा कक्षाहरु सञ्चालन भइरहेको छ । साथै यसै शैक्षिक सत्र देखि नै कक्षा वालविकास देखि कक्षा ३ सम्म अंग्रेजी माध्यममा पठनपाठन शुरु गरिएको छ ।

विद्यालय सेवा क्षेत्रको रैथाने ज्ञान, सिप, शैली

यस विद्यालयमा अध्ययन गर्ने बालबालिकाहरु आउने समुदाय विशेष गरी कृषिमा आत्मनिर्भर रहेका छन् । यहा सिंचाईको अभावका कारण मौषमे बाली हुने गर्दछ । अधिकांश समुदायमा गाई बस्तु, कुखुरा, बाख्रा, सुङ्गुर इत्यादी पालन गरिन्छ ।

केहि समुदायमा भने परम्परागत सिपहरु जस्तै बाँसबाट डोको, नाङ्ग्लो, डालो बुन्ने, नाम्लो तथा डोरी बुन्ने, हसिया कुटो कोदालो बनाउने कार्य गरिन्छ भने केहि समुदायमा गलैँचा बुन्ने काम समेत गरिन्छ । थोरै मात्रामा सरकारी क्षेत्र जस्तै शिक्षक, निजामती कर्मचारी क्षेत्रमा संलग्नता हुनुहुन्छ भने अधिकांश युवाहरु विदेश पलायन हुनुभएको छ ।

५००+

विद्यार्थीहरू

२०+

दक्ष शिक्षकहरू

%

उत्कृष्ट नतिजा

प्रधानाध्यापकको सन्देश

-एकराज गौतम

"आदरणीय अभिभावक तथा प्यारा विद्यार्थी भाइबहिनीहरू, DIGITAL युगको माग अनुसार हामीले विद्यालयको शैक्षिक गुणस्तरलाई परिमार्जन गर्दै प्रविधिमैत्री शिक्षामा जोड दिएका छौँ। हामी केवल किताबी ज्ञान मात्र नभई संस्कारयुक्त शिक्षा प्रदान गर्न कटिबद्ध छौँ।"

अध्यक्षको सन्देश

-बद्रि प्रसाद उप्रेती(SMC)

"शिक्षा विकासको मुख्य मेरुदण्ड हो। विद्यालय व्यवस्थापन समितिको तर्फबाट हामी भौतिक पूर्वाधार सुधार, चुस्त प्रशासन र गुणस्तरीय सिकाई वातावरण सुनिश्चित गर्न निरन्तर क्रियाशील छौँ। विद्यालयको चौतर्फी प्रगतिका लागि यहाँहरूको रचनात्मक सुझाव तथा सहयोग सधैं स्वागतयोग्य रहनेछ।"

हाम्रो परिकल्पना (Vision)

सबैका लागि समतामूलक, प्रतिस्पर्धी र जीवनोपयोगी शिक्षा प्रदान गर्ने केन्द्र बन्ने।

हाम्रो लक्ष्य (Mission)

आधुनिक प्रविधिको प्रयोग र दक्ष जनशक्तिद्वारा शैक्षिक स्तरलाई उच्च बनाउने।

मुख्य उद्देश्य (Objectives)

विद्यार्थीको चौतर्फी विकासका साथै उनीहरूलाई चरित्रवान नागरिक बनाउने।

शैक्षिक कार्यक्रमहरू

हाम्रो विद्यालयमा प्रारम्भिक बाल विकासदेखि माध्यमिक तहसम्म पढाइ हुन्छ।

प्रारम्भिक बाल विकास (ECD)

खेलकुद विधिबाट अध्यापन

रमाइलो र सुरक्षित वातावरण

विशेष हेरचाह र बालमैत्री कक्षा

आधारभूत तह (कक्षा १–८)

राष्ट्रिय पाठ्यक्रममा आधारित

अंग्रेजी तथा नेपाली माध्यम

कम्प्युटर शिक्षाको सुरुवात

माध्यमिक तह (कक्षा ९–१०)

SEE परीक्षा केन्द्रित तयारी

नियमित प्रयोगात्मक कक्षाहरू

विशेष परामर्श तथा ट्युसन

कक्षा ११–१२

व्यवस्थापन (Management)

शिक्षा शास्त्र (Education)

नयाँ पाठ्यक्रम अनुसार कक्षाहरू

भौतिक तथा शैक्षिक सुविधाहरू

विद्यार्थीहरूको उत्कृष्ट सिकाइका लागि उपलब्ध सुविधाहरू।

सुविधायुक्त पुस्तकालय

पाठ्यपुस्तकका अतिरिक्त ज्ञानवर्धक र साहित्यिक पुस्तकहरूको व्यवस्था।

विज्ञान प्रयोगशाला

भौतिक, रसायन र जीव विज्ञानका लागि छुट्टाछुट्टै आधुनिक प्रयोगात्मक सामग्री।

कम्प्युटर ल्याब

इन्टरनेट सुविधा सहितको आधुनिक कम्प्युटर ल्याब र DIGITAL सिकाई।

खेलकुद तथा खेलमैदान

भलिबल, फुटबल र अन्य अतिरिक्त क्रियाकलापका लागि ठूलो खेलमैदान।

स्वच्छ खानेपानी

विद्यार्थी तथा शिक्षकहरूका लागि युरोगार्ड सहितको शुद्ध र स्वच्छ पिउने पानी।

सरसफाइ तथा शौचालय

छात्र र छात्राका लागि छुट्टाछुत्तै अपाङ्गमैत्री र वातावरणमैत्री शौचालयको व्यवस्था।

नवीनतम सूचनाहरू

२०८३ असार १५ प्रथम त्रैमासिक परीक्षा तालिका प्रकाशन सम्बन्धी सूचना

२०८३ जेठ २५ छात्रवृत्ति आवेदन फारम भर्ने बारे अत्यन्त जरुरी सूचना

२०८३ जेठ १० अभिभावक भेला तथा शैक्षिक अन्तर्क्रिया कार्यक्रम

AI र ICT शिक्षा प्रवर्द्धन

आधुनिक डिजिटल युगको गतिसँगै विद्यालयले विद्यार्थीहरूमा प्रविधि र कृत्रिम बुद्धिमत्ता (AI) सम्बन्धी ज्ञान विकासमा जोड दिइने छ।

AI तथा स्मार्ट सिकाई (Smart Learning)

शिक्षण सिकाइ प्रक्रियामा AI टुलहरूको सही प्रयोग र डिजिटल एनिमेसन मार्फत कठिन विषयहरूलाई सहज बनाउने प्रयास।

आधारभूत कोडिङ र कम्प्युटर साक्षरता

विद्यार्थीहरूलाई प्रविधिको केवल प्रयोगकर्ता मात्र नबनाई सिर्जनशील बनाउन आधारभूत प्रोग्रामिङ र तार्किक क्षमता अभिवृद्धि कक्षाहरू संचालन गर्ने सोच बनाइएको छ ।